भिगवण वार्ताहर.दि.१७

इंदापूर तालुक्यातील कोरोना रुग्णाचा वाढता आलेख कमी करण्याच्या तसेच रुग्णांना तातडीने सेवा मिळावी यासाठी इंदापूर तालुक्याचे आमदार आणि राज्याचे मंत्री दतात्रय भरणे यांनी भिगवण ट्रामा केअर सेंटर इमारती मधील कोविड सेंटर मध्ये आढावा बैठक आयोजित केली होती.या बैठकीला बारामती विभागीय अधिकारी दादासाहेब कांबळे ,इंदापूर तहसीलदार अनिल ठोंबरे ,जि.प.सदस्य हनुमंत बंडगर ,गट विकास अधिकारी विजय परीट ,तालुका आरोग्य अधिकारी सुनील गावडे ,भिगवण कोविड सेंटर इनचार्ज कैलास व्यवहारे उपस्थित होते .

यावेळी इंदापूर तालुक्यात वाढत असलेल्या रुग्ण संखेबाबत माहिती देण्यात आली .तसेच पोलीस अधिकाऱ्यांना इंदापूर तसेच वालचंदनगर आणि भिगवण हद्दीत येणाऱ्या गावात बेरीगेटिंग करण्याचा सूचना दिल्या.तसेच संचारबंदी आदेशाची काटेकोरपणे पालन करून विणकामाच्या बाहेर फिरणाऱ्या व्यक्तीवर कारवाई करण्याचे आदेश देण्यात आले.यावेळी मंत्री भरणे यांनी भिगवण कोविड सेंटर मध्ये मंगळवारी पासून ५० ऑक्सिजन बेड सुरु करण्यात येणार असल्याचे सांगितले.तर रेम्डीसिवीर इंजेक्शन चा पुरवठा सुरळीत व्हावा यासाठी खबरदारी घेतली जाणार असल्याचे सांगितले.यावेळी इंदापूर नगरपालिका अधिकाऱ्यांना शहरात बेरीगेटींग करण्याच्या सूचना देण्यात आल्या.यावेळी उपस्थित भिगवण गावचे सरपंच तानाजी वायसे ,माजी सरपंच पराग जाधव आणि पंचायत समिती उपसभापती संजय देहाडे ,सचिन बोगावत ,तुषार क्षीरसागर यांनी तपासण्या वाढविण्यावर आणि भिगवण परिसरातील कोविड सेंटर मध्ये इंजेक्शन पुरवठा सुरळीत व्हावा अशी मागणी केली.तर ऑक्सिजन बेड ची उपलब्धता तातडीने सुरु करण्याची मागणी केली.यावेळी या आढावा बैठकीला सार्वजनिक बांधकाम खात्याचे शाखा अभियंता आर,एल,चौधरी स्थापत्य अभियंता ए.ए.कावडे ,इंदापूर तालुका पोलीस निरीक्षक धन्यकुमार गोडसे ,वालचंदनगर स.पो.नि दिलीप पवार ,भिगवण स.पो.नि जीवन माने तसेच महसूल विभागाचे कर्मचारी उपस्थित होते .

भिगवण कोविड सेंटर मध्ये मंगळवारी २० तारखेपासून ५० ऑक्सिजन बेडची उपलब्धता होणार असल्याची राज्यमंत्री भरणे यांची ग्वाही

इंदापूर तालुक्यातील कोरोना हॉस्पिटल मध्ये रेमडीसिवीर इंजेक्शनचा पुरवठा आवश्यकतेनुसार होणार असल्याची राज्यमंत्री भरणे यांची माहिती

संचारबंदी नियम काटेकोर पणे पाळण्याची गरज असल्याचे सांगून पोलिसांनी यावर कारवाई करण्याची गरज असल्याचे भरणे यांचे आदेश…

भिगवण वार्ताहर . दि.१६

तक्रारवाडी गावातील अतिक्रमणाचा वाद पोलीस ठाण्याच्या दरवाजात पोहोचला असला तरी याची दखल ग्रामपंचायत प्रशासन आणि ग्रामसेवक घेताना दिसून येत नसल्यामुळे तक्रारदार न्यायालयाचे दरवाजे ठोठवनार असल्याची माहिती संबंधिता कडून देण्यात आली.अतिक्रमणावर अंकुश ठेवण्यासाठी कोणतेच प्रशासन कार्यवाही करत नसल्यामुळे अतिक्रमण करणारांची मानसिकता वाढ होत असल्याचे दिसून येत आहे.

याबाबत सविस्तर वृत्त असे की तक्रारवाडी गावातील सबंधित प्रकरण असून गावातील 238 मिळकत नंबर चे भोगवटा दार राजेंद्र गोडसे यांनी त्यांच्या मिळकत समोरील रस्त्यावर अतिक्रमण काढण्यासाठी काही दिवसापूर्वी प्रशासनाला अनेक विनंती अर्ज केले होते.मात्र प्रशासनाने न्याय देण्यास विलंब केल्याने त्यांनी आमरण उपोषण केले होते.त्यावेळी जागे झालेल्या प्रशासनाने आणि ग्राम विस्तार अधिकारी यांनी तक्रारदार गोडसे आणि अतिक्रमण करणाऱ्या शरद वाघ , युवराज काळंगे तसेच इतर ४ नागरिकात तडजोड करीत १० फुटाचा रस्ता मालकी असणाऱ्या मिळकत दार राजेंद्र गोडसे यांना दिला होता. तस पाहिलं तर गट विकास अधिकारी होत असलेल्या अतिक्रमणावर निर्बंध घालणं गरजेचं होत परंतु राजकीय दबावामुळे गट विकास अधिकारी यांनी अतिक्रमणाला मुक पाठिंबा दिल्यामुळे अतिक्रमण करणाऱ्यांचे धाडस वाढत असल्याचे पहावयास मिळत आहे.यातूनच जागा मालकाला स्वतःच्या जागेवर येण्या जाण्याच्या रस्त्यावर पक्के बांधकामास सुरवात करण्यात आली आहे.तसेच याबाबत मूळ जागा मालकाने आपणाला आणि पत्नीला शिवीगाळ आणि जिवे मारण्याची धमकी दिल्या बाबत भिगवण पोलीस ठाण्यात तक्रार दाखल केली आहे.मात्र आठ दिवस उलटूनही यावर कोणतीही कारवाई पोलीस प्रशासनाकडून करण्यात आली नसल्याचे गोडसे यांचे म्हणणे आहे.तर ग्रामसेवक यांना वरिष्ठ कार्यालयाचे आदेश मिळूनही अतिक्रमणावर कोणतीही कारवाई झाली नसल्याचे दिसून येतं आहे.तर अतिक्रमण करणारे कोणत्याही नोटीस ला घाबरत नसल्याचे दिसून येत आहे.त्यामुळे साहजिकच तक्रार दाराला न्यायालयाचे दरवाजे ठोठावन्याची वेळ आली असल्याचे दिसून येत आहे.

याबाबत तक्रारदार राजेंद्र गोडसे यांनी बोलताना ग्रामसेवक आणि तक्रारवाडी गावाचे सरपंच यांनी अतिक्रमण रोखणे गरजेचे असताना आणि ग्रामसेवक यांची जबाबदारी असताना यावर कोणती ही कारवाई केली जात नसल्याचे सांगितले.तसेच याविषयी आपण न्यायालयात जाणार असल्याचे सांगितले. तसेच प्रशासन अतिक्रमण रोखण्यात अपयशी ठरत असल्याने गावातील सर्वच जागा अतिक्रमणाच्या घशात चालल्या असल्याचे सांगितले.

याबाबत ग्रामसेवक दीपक बोरावके यांनी अतिक्रमण करणाऱ्यांना नोटीस देवून बांधकाम थांबविण्यासाठी सूचना केल्या असल्याचे सांगितले.

याबाबत तक्रारवाडी गावचे सरपंच सतीश वाघ यांच्याशी संपर्क साधला असता त्यांनी अतिक्रमण होत असलेली जागा गावच्या नकाशाच्या बाहेर येत असल्याची माहिती दिली.तर या अतिक्रमण बाबंत हद्दीचा विषय येत असल्याने कोणतीही कारवाई केली नसल्याचे सरपंच वाघ यांनी म्हणणे मांडले.

भिगवन वार्ताहर. दि.४

कोरोना च्या वाढत्या प्रसारामुळे इंदापूर तालुक्यातील ग्रामीण भागात असणाऱ्या ग्रामदेवतेच्या यात्रा उरूस जत्रा यावर शासनाने निर्बंध आणल्यामुळे यावर्षीच्या यात्रा भरलेले नाहीत. मात्र असे असले तरी सर्वसामान्य नागरिकांची या यात्रेच्या वर्गणीतून सुटका झाली असल्याचे मात्र दिसत नाही.

या दिवसात ग्रामीण भागात सालाबाद प्रमाणे भरतात. ग्रामीण भागात यात्रा उरूस जत्रा यांना अनन्यसाधारण महत्त्व असते. या सणाला ग्रामीण जीवनातील उत्साह मानला जातो. यावेळी नागरिक आपल्या नातेवाईकांना एकत्र करीत गोड-धोड आणि मांसाहारी यासारखे अन्नपदार्थ करून पाहुणचार करीत असतात. तसेच महिलांसाठी हा सण अत्यंत आनंदाचा मानला जातो लेकी बाळी माहेरी जातात तर सासरच्या नातेवाईकांना पाहुण्यांच्या घरी मोठ्या प्रमाणावर पाहुणचार केला जातो. मात्र या कोरोणाने या सर्वांवर विरंजन टाकण्याचे काम केले आहे असे असले तरी ग्रामीण भागात ग्रामदेवतेच्या वर्गणीतून कोणतीही सूट देण्यात आली नसून सर्वसामान्य नागरिकांना ही वर्गणी भरावे लागत असल्याचे चित्र इंदापूर तालुक्याच्या ग्रामीण भागात दिसून येत आहे.

तसेच अनेक देव देवतेच्या यात्रेसाठी केलेल्या वर्गणीतून शिल्लक राहिलेली रक्कम गावातील गरजूंना वार्षिक व्याजावर व्याजाने दिली जाते तिच्यातही कोणत्याही प्रकारची सूट केलेली दिसून आले आहे .तर भावनेच्या प्रश्नांमुळे या पैशाच्या विषयात कोणी बोलताना दिसत नाही.त्यामुळे कोरोणामुळे वर्ष भरापासून पिडलेला शेतमजूर कामगार आणि हातावर पोट असलेला सर्वसामान्य आणखीनच अडचणीत आलेला दिसून आला. रिन काढून सण करणे आता आणखीनच आवघड होत असल्याचा प्रत्यय आता गोरगरीब नागरिकांना येत असताना दिसून आल्याशिवाय राहणार नाही.

कोरोनाच्या काळात गावातील यात्रा कमिटी आणि राजकीय प्रतिनिधी यांनी या विषयात सद्सद्विवेक बुध्दी वापरून यातील काही व्याज माफ करून काही खिशातील घातल्यास नक्कीच गोरगरीब नागरिकांची यात्रा जत्रा आणि उरूस आनंददायी झाल्याशिवाय राहणार नाहीत.

पुणे जिल्ह्यातील तसेच राज्यातील अनेक गावात हा प्रकार घडत असताना भावना आणि श्रध्देचा विषय असल्यामुळे यावर कोणी बोलताना दिसून येत नसले तरी कोटीच्या घरात होणाऱ्या या व्यवहाराला व्याजाचा व्यवहार मानला जात नाही हे देखील विशेष मानावे लागेल. तर याची काही ठिकाणी अधिकृत आर्थिक तपासणी देखील केली जात नाही.

यात्रा रद्द करण्यात आल्यामुळे खेळणी आणि महिलांच्या वस्तू विक्री करणाऱ्या छोटया व्यवसाय करणाऱ्यावर उपासमारी ची वेळ आली असल्याचे देखील प्रामुख्याने जाणवत आहे.मात्र शासन दरबारी यांची कुठे नोंद नसल्यामुळे त्यांना मिळणाऱ्या सुविधांना वानवा असल्याचे चित्र आहे.

भिगवण वार्ताहर. दिं.३
इंदापुर तालुक्यासह राज्यांमध्ये सध्या कोरोनाचा कहर सुरु आहे. त्या पार्श्वभुमीवर भिगवण येथील ट्रॉमा केअर सेंटरमधील कोविड सेंटरमध्ये पन्नास ऑक्सिजन बेडची सुविधा तातडीने उपलब्ध करुन देण्याची मागणी भाजपा नेते माजी सहकारमंत्री हर्षवर्धन पाटील, नवनिर्वाचीत कार्यकारिणी भिगवण ग्रामपंचायत व इंदापुर पंचायत समिती आदींच्या वतीने करण्यात आली आहे.

भिगवण येथे भव्य ट्रॉमा केअर सेंटरची इमारत बांधण्यात आली आहे. अद्याप ट्रॉमा केअर सेंटर सुरु न झाल्यामुळे गतवर्षी या इमारतीमध्ये पन्नास बेडचे कोविड सेंटर सुरु करण्यात आले होते.यावेळी सामाजिक संस्था आणि रोटरी क्लबच्या माध्यमातून सुविधा पुरविण्यात आल्या होत्या.
आजच्या घडीला इंदापुर तालुक्यामध्ये कोरोनाचा कहर सुरु आहे. तालुक्यातील कोविड सेंटर जवळपास हाऊसफुल्ल झाली असून भिगवण येथील कोविड सेंटरमध्ये ऑक्सिजन बेडची सुविधा उपलब्ध नसल्यामुळे येथील रुग्नांना उपचारासाठी बारामती व इतरत्र जावे लागते आहे. रुग्णांना आर्थिक ताणांसह मोठा त्रासही सहन करावा लागत आहे.

या पार्श्वभुमीवर भाजपा नेते व माजी सहकारमंत्री हर्षवर्धनजी पाटील, पंचायत समितीचे उपसभापती संजय देहाडे, येथील भिगवण ग्रामपंचायतीचे सरपंच तानाजी वायसे, माजी सरपंच पराग जाधव ,तुषार क्षीरसागर ,कपिल भाकरे आदींनी येथील कोविड सेंटरमध्ये स्वच्छता राखण्यात यावी, तसेच येथे पन्नास ऑक्सिजन व्हेंटिलेटर युक्त बेडची सुविधा उपलब्ध करुन देण्यात यावी आदी मागण्या केल्या आहेत. या ठिकाणी ऑक्सिजन बेडची सोय उपलब्ध झाल्यास इंदापुर तालुक्यातील कोविड रुग्नांना त्याचा फायदा होईल.भिगवण ग्रामपंचायत व इंदापुर पंचायत समितीच्या मागणीनुसार इंदापुरचे प्रभारी तहसिलदार यांनी नुकतीच कोविड सेंटरला भेट देऊन पाहणी केली आहे.

याबाबत राज्याचे भाजपा नेते आणि माजी सहकारमंत्री हर्षवर्धनजी पाटील म्हणाले, इंदापुर तालुक्यातील राष्ट्रीय महामार्गावर होणार अपघात व या भागाची गरज विचारात घेऊन आपण भिगवण येथील ट्रॉमा केअर सेंटरला मंजुर केले होते. सध्या ट्रॉमा केअर सेंटरच्या इमारतीमध्ये कोविड सेंटर सुरु आहे. रुग्नांची गरज विचारात घेऊन या ठिकाणी पन्नास ऑक्सिजन बेडची उपलब्धता करुन द्यावी यासाठी पाठपुरावा करत आहे.