सत्यवार्ता प्रतिनिधी : विजय गायकवाड (अकोले )

अकोले वार्ताहर दि .२७

अकोले गावच्या ग्रामपंचायतीच्या एका जागेसाठी पोट निवडणूक होत आहे .गावातील अंतर्गत गटबाजीचा फायदा उचलून निवडुन येण्यासाठी इच्छुक उमेदवारांची संख्या वाढू लागली आहे. त्यामुळे ही निवडनुक चुरशीच्या वातावरणात पार पडण्याची शक्यता निर्माण झाली आहे .

अकोले गावचे दिवंगत सरपंच ज्ञानदेव दराडे यांच्या निधनामुळे रिक्त झालेल्या प्रभाग दोनच्या एका जागेसाठी येत्या २१ डिसेंबर रोजी निवडणूक होत आहे.यासाठी ३० नोव्हेंबर पासून अर्ज भरण्यास सुरुवात होणार आहे.मात्र स्थानिक पातळीवर राजकारणात अंतर्गत गटबाजी मोठ्या प्रमाणात असल्याने एका गटाचे काम करण्यास कोणी तयार होईल का नाही ? असे चित्र असल्याने या गटबाजीचा फायदा उचलून कोणताही उमेदवार विजयी होण्याची शक्यता निर्माण झाली आहे .याच मानसिकतेतुन अनेक उमेदवारांची संख्या वाढण्याची लोकांमधून व्यक्त होत आहे.
अकोलेच्या स्थानिक राजकारणात एका जागेसाठी उमेदवार निवडीसाठी कार्यकर्त्यांनी चाचपणी सुरू केली आहे.सध्या तरी निवडणूक लढविण्यासाठी इच्छुक उमेदवारांची संख्या जास्त असल्याने थेट लढत होऊ शकत नसल्याचे वातावरण तरी सध्या दिसू लागले आहे. ग्रामपंचायतीच्या सत्ताकारणात स्थानिक पातळीवर बहुमत मिळलेल्या पॅनलला सत्ता स्थापन करता आली नाही मात्र पॅनल मधील उमेदवारांनी फुटून सत्तेसाठी दुसऱ्या पॅनलचा आधार घेऊन ग्रामपंचायतीमध्ये सत्ता स्थापन करण्यात यश मिळवले होते.मात्र विद्यमान सरपंच ज्ञानदेव दराडे यांच्या निधनाने रिक्त झालेल्या जागेसाठी निवडणूक होणार असल्याने इच्छुक उमेदवारांनी प्रभागातील लोकांची भेटीगाठी सुरू केल्याने थेट लढत होण्याऐवजी तिरंगी चौरंगी लढत होण्याची शक्यता आहे.