भिगवण वार्ताहर .दि. ६

भिगवण पोलीस ठाणे हद्दीतील शेटफळगढे गावात ४ महिन्यापूर्वी झालेल्या खुनाला वाचा फोडण्यात पोलिसांना यश लाभले आहे.कोणताही पुरावा नसताना भिगवण पोलिसांनी नियोजनबद्ध तपास आणि तांत्रिक विश्लेषणचा आधार घेत पोलिसांनी आरोपीच्या मुसक्या आवळल्यामुळे भिगवण पोलिसांचे कौतुक केले जात आहे.

याबाबत भिगवण पोलीस ठाण्याचे प्रभारी अधिकारी दिलीप पवार यांनी प्रेसनोट देत माहिती दिली.यातील आरोपी किशोर बाळासाहेब जगताप वय ३० याला खुनाच्या आरोपांखाली अटक करण्यात आली आहे.याबाबत दिलेल्या माहिती नुसार २१/०८/२०२१ रोजी शेटफळगढे येथील सुजित संभाजी जगताप वय ३२ राहते घरातून निघून गेल्याची तक्रार सुजितचे वडील संभाजी शिवाजी जगताप यांनी केली होती.भिगवण पोलिसांनी मिसिंग दाखल करून घेत तपास चालू केला होता.पोलीस तपास करीत असताना सुजित ज्या दिवशी घरातून निघून गेला त्यावेळी फोन आलेला इतकीच माहिती उपलब्ध होती .मात्र भिगवण पोलिसांनी योग्य आणि नियोजनबद्ध तपास करीत तपासाची दिशा ज्याने फोन केला होता त्याच्याकडे म्हणजे किशोर जगताप याच्याकडे वळवली.मात्र किशोर याने अनेक वेळा उडवाउडवी ची उत्तरे देण्यास सुरवात केली.मात्र तांत्रिक विश्लेषणाचा वापर करीत पोलीसी खाक्या दाखवताच किशोर याने सुजितचा खून करून त्याचा मृतदेह पुरून टाकल्याचे कबूल केले.त्याच्या कबुली नंतर भिगवण पोलिसांनी घटना स्थळी जात पुरलेला मृतदेह ताब्यात घेत आरोपीच्या मुसक्या आवळल्या.

सदरची कामगिरी पुणे ग्रामीण पोलीस अधीक्षक डॉ.अभिनव देशमुख ,अप्पर पोलीस अधीक्षक मिलिंद मोहिते ,बारामती विभागीय अधिकारी गणेश इंगळे यांच्या मार्गदर्शनाखाली भिगवण पोलीस ठाण्याचे प्रभारी अधिकारी दिलीप पवार ,पोसई विनायक दडसपाटील ,रुपेश कदम ,सुभाष रूपनवर ,अमलदार नाना वीर ,सचिन पवार, महेश माने ,महेश उगले ,अंकुश माने यांच्या पथकाने केली.

चौकट : आरोपी किशोर हा मयत सुजित याचा चुलत भाऊ असून त्याने अतिशय नियोजनबद्ध पद्धतीने सुजितला फोन करून बोलाबून घेत खोऱ्याच्या दांडा डोक्यात घालत जीव घेतला. जीव गेल्यावर त्याला गोणीत भरून निजर्न ठिकाणी असणाऱ्या शेतात पुरून टाकले.मात्र नात्यात आलेल्या या विखारी पणाला जमिनीचा वाद कि इतर काही याचा तपास पोलीस करीत आहेत .