भिगवण वार्ताहर.दि.२२

भिगवण पोलीस हद्दीतील पोंधवडी येथून १० वर्षीय मुलीचे अज्ञात इसमाने अपहरण केल्याची घटना २० तारखेला घडली.सदर प्रकरणी भिगवण पोलिसात तक्रार देण्यात आली आहे.

याबाबत भिगवण पोलीस सूत्रांनी माहिती नुसार अंकुश प्रकाश पवार रा.पोंधवडीपाटी बंडगरवाडी यांनी फिर्याद दिली आहे.अंकुश यांची १० वर्षाची बहिण प्रातविधी साठी बाहेर गेली असता कोणीतरी अनोळखी इसमाने अज्ञात कारणासाठी फिर्यादी यांच्या ताब्यातून पळवून नेवून तिचे अपहरण केले आहे.याविषयी भिगवण पोलिसांनी अपहरणाचा गुन्हा नोंद केला असून याचा पुढील तपास पोसइ दडसपाटील करीत आहेत.

चौकट : भिगवण आणि परिसरात महिला आणि मुलींच्या संरक्षणाचा प्रश्न ऐरणीवर असतानाच आता अल्पवयीन मुलीही सुरक्षित नसल्याचे दिसून येत आहे.पोलीस प्रशासन आणि निर्भया पथक आपले काम चोख बजावीत असताना समाजातील इतर घटकानेही मुली आणि महिला यांना सुरक्षित वाटेल असे वातावरण निर्मितीसाठी प्रयत्न करणे गरजेचे आहे

भिगवण वार्ताहर.दि.१९

शाळेतील अल्पवयीन मुलीशी अश्लील चाळे करणाऱ्या नराधमाला भिगवण पोलिसांनी अटक करून बारामती येथील विशेष न्यायालयात हजर केले असता माननीय न्यायालयाने विकृत नराधमाला २० तारखेपर्यंत पोलीस कोठडी सुनावली आहे .

भिगवण आणि परिसरातील पालकांच्या काळजाचा ठोका चुकविणारी घटना शाळेत घडली.या शाळेत विद्यादान करण्यासाठी आलेल्या शिक्षक रुपी नराधमाने शाळेतील कोवळ्या मुलीसोबत अश्लील चाळे करीत गुरु आणि शिक्षक नात्याला कलंक लावण्याचे महापाप केले. अत्यंत हुशार आणि चाणाक्ष मुलीने वेळेचे रूप ओळखीत या नराधमाच्या तावडीतून सुटका करीत पळ काढला आणि आपल्या आईवडिलांना घडलेला प्रकार सांगितला. अघटीत घटनेमुळे घाबरून गेलेल्या पालकांनी सरळ पोलीस ठाण्याचे दरवाजे गाठले.आणि कर्तव्यदक्ष पोलीस अधिकारी दिलीप पवार यांनी पथकाची निर्मिती करून काही वेळातच नराधमाच्या मुसक्या आवळल्या. सदर आरोपीला आज बारामतीच्या विशेष न्यायालयात हजर केले असता माननीय न्यायालयाने २० तारखेपर्यंत पोलीस कोठडी सुनावली असल्याची माहिती पोलिस सूत्रांनी दिली .

भिगवण परिसरात घडलेल्या या गंभीर प्रकरणी पालकांची भावना अतिशय संतापाच्या असून आरोपीला पाठीशी घालणाऱ्या शिक्षण विभागातील वरिष्ठ अधिकार्यांना सहआरोपी करण्याची मागणी पालक वर्गातून केली जात आहे. तर या नराधमाने वर्गातील अनेक मुलींशी असा अश्लील चाळा केल्याची माहिती समोर येत आहे.पाठीमागे असा प्रकार उघडकीस येवूनही याची माहिती पोलिसांना दिली नसल्यामुळे या प्रकरणी माफीनामा लिहून घेणाऱ्या सर्व शिक्षण विभागातील अधिकारी यांची चौकशी करण्याची मागणीही पालकांतून केली जात आहे. तर अत्यंत गंभीर घटना घडूनही गटशिक्षण अधिकारी आणि तालुका अधिकारी यांच्या शिवाय इतर कोणीही भेट दिली नसल्याचे वास्तव बोलले जात आहे.तर पंचायत समिती गटविकास अधिकारी यांनी हि भेट दिली नसल्याची माहिती मिळत आहे. त्यामुळे पालकांत संतापाची भावना असून याकडे प्रशासन गांभीर्याने घेत नसल्याचे वास्तव समोर येत आहे.

याबाबत भिगवण पोलीस ठाण्याचे प्रभारी अधिकारी दिलीप पवार यांनी आरोपीला कठोर शासन मिळावे यासाठी तपासाची गती वाढविण्यात येणार असल्याचे सांगितले.तसेच सदर प्रकरण माननीय न्यायालयाला विनंती करून जलदगती कोर्टात समाविष्ट केले जाणार असल्याची माहिती दिली.

भिगवण वार्ताहर.दि.१६

अल्पवयीन मुलीला लग्नाचे आमिष देत  जाळ्यात अडकवून तिच्यावर बळजबरीने बलात्कार केल्याची घटना भिगवण पोलीस ठाण्याच्या हद्दीत घडली. भिगवण पोलिसांनी या घटनेतील गांभीर्य ओळखून आरोपी विरोधात पास्को आणि बलात्काराचा गुन्हा दाखल करीत आरोपीचा शोध सुरु केला आहे.

याबाबत भिगवण पोलिसांनी दिलेल्या माहिती नुसार अंकुश भगवान गाडे रा.वार्ड नं .२ भिगवण असे आरोपीचे नाव आहे.आरोपी अंकुश याने पीडिता अल्पवयीन आहे याची माहिती असूनही मला तुझ्याशी लग्न करावयाचे आहे असे आमिष दाखवीत गेल्या ८ महिन्यापासून बळजबरी करीत बलात्कार केला आहे.आरोपीने स्वताच्या घरात तसेच त्याच्या शंभूराज चायनीज दुकानात पिडीतेला बोलावून तिच्यावर हा अत्याचार केलेला असल्याचे पीडीतेचे म्हणणे आहे.८ महिने हे दुष्कृत्य चालू होते शेवटी पीडिता भिगवण पोलीस ठाण्यात येत तिने आरोपी विरोधात तक्रार दिली.भिगवण पोलीस ठाण्याचे प्रभारी अधिकारी दिलीप पवार यांच्या मार्गदर्शनाखाली पी एस आय सुभाष रूपनवर या प्रकरणाचा तपास करीत असून आरोपीला अटक झाली नसल्याची माहिती पोलिस सूत्रांनी दिली आहे .