भिगवण वार्ताहर.दि.१८
भिगवण येथील मदनवाडी ब्रिजखाली भारतीय जनता युवा मोर्चाच्या वतीने काँग्रेसचे प्रदेशअध्यक्ष नाना पटोले यांच्या विरोधात आंदोलन करण्यात आले.यावेळी संतप्त कार्यकर्त्यांनी पटोले यांच्या पुतळ्याचे दहन करीत त्यांच्या विरोधात घोषणाबाजी केली.
देशाचे पंतप्रधान नरेंद्र मोदी यांच्या विषयी नाना पटोले यांनी खालच्या पातळीवर केलेल्या वक्तव्य बाबत हे आंदोलन करण्यात आले.माजी मंत्री हर्षवर्धन पाटील यांच्या मार्गदर्शनाखाली भाजयुमो च्या कार्यकर्त्यांनी हे आंदोलन केले.यावेळी भारतीय जनता पार्टीचे प्रदेश सचिव आकाश कांबळे ,किसान मोर्चाचे माउली चवरे ,सरचिटणीस गजानन वाकसे यांनी नाना पटोले यांनी केलेल्या बेताल वक्तवयाचा निषेध करीत त्यांच्या विरोधात गुन्हा नोंद होवून तातडीने अटक करण्याची मागणी केली.यावेळी संतप्त कार्यकर्त्यांनी पटोले यांचा प्रतिकात्मक पुतळ्याचे दहन करीत राज्यसरकार यांच्या विरोधात घोषणाबाजी करीत परिसर दणाणून सोडला.यावेळी आबासाहेब थोरात ,गणेश भांडवलकर ,राम आसबे ,ललित होले ,माउली मारकड ,हेमंत काजळे ,पांडुरंग सूळ ,हनुमंत निंबाळकर ,सुग्रीव साठे प्रेमकुमार जगताप यांनी आंदोलनात सहभाग नोंदविला.यावेळी भिगवण पोलीस ठाण्याचे प्रभारी अधिकारी दिलीप पवार यांनी चोख बंदोबस्त ठेवीत आंदोलन करणाऱ्या कार्यकर्त्याना ताब्यात घेत सुटका केली .
