सत्यवार्ता प्रतिनिधी : शैलेश परकाळे (भादलवाडी )
भादलवाडी गावात सालाबाद प्रमाणे साजरी करण्यात येत असलेली काळ भैरवनाथ जन्माष्टमी मोठ्या उत्साहात साजरी करण्यात आली . गावातील ग्रामस्थ आणि महिला भगिनींनी यावेळी उत्सवात सहभाग घेत देवाची मनोभावे पूजा केली .
गेल्या २ वर्षांपासून कोरोनाचे संकट असल्यामुळे हा उत्सव साजरा करण्यात आला नव्हता .मात्र सध्या कोरोनाचा आलेख खाली आल्यामुळे शासनाच्या नियमाचे काटेकोरपणे पालन करीत काळ भैरवनाथ जन्माष्टमी साजरी करण्याचे ग्रामस्थांनी ठरविले.
शनिवारी सकाळी १० वाजता जन्माष्टमी सोहळा साजरा करण्यास सुरुवात झाली.सकाळी १० वाजून १० मिनिटांनी काळभैरवनाथ देवाला अभिषेक करण्यात आला. सकाळी ११ वाजता काळ भैरवनाथ मूर्तीला पोशाख चढविण्यात आला,नंतर दुपारी ०१ वाजल्यापासून ते ०३ वाजेपर्यंत टाळ-मृदंगासहित भक्तिमय वातावरणात पालखी मिरवणूक काढण्यात आली . सायंकाळी ०४ ते ०६ यावेळी ह. भ. प. पांडुरंग महाराज सातपुते यांचे भैरवनाथ जन्म या विषयावर संकीर्तन झाले. उत्सवाच्या शेवटी महाप्रसादाचा ग्रामस्थांनी आस्वाद घेतला. जन्माष्टमीच्या कार्यक्रमासाठी गावातील ग्रामस्थ शासनाच्या कोरोना नियमाचे पालन करीत मोठ्या संख्येने उपस्थित राहून या “काळ भैरवनाथ जन्माष्टमी” कार्यक्रमाची शोभा वाढवली. कार्यक्रमाचे संपूर्ण नियोजन सामाजिक कार्यकर्ते दत्तात्रय कण्हेरकर आणि युवराज कुताळ तसेच ग्रामस्थांनी योग्य पद्धतीने पार पाडले.
