आघाडी सरकारच्या काळात मुस्लिमांना ५ टक्के आरक्षण देण्यात आले होते.आताच्या महविकास आघाडीत यातील दोन मित्र पक्ष एकत्र असूनही मुस्लिम आरक्षण बाबत उदासीनता …. रियाज शेख एक युवक एक कार्ड मोहिमेचे सदस्य
भिगवण वार्ताहर.दि.२२
महाराष्टात मराठा , धनगर ,ओबीसी समाजाचा आरक्षणाचा लढा सुरु असतानाच आता मुस्लीम समाजानेही आरक्षणाच्या लढ्यात उडी घेतली आहे.मुस्लीम समाजाच्या आरक्षणाकडे शासनाने लक्ष देण्यासाठी एक युवक एक पोस्ट कार्ड मोहीम सुरु केली आहे.
राज्यातील सरकार सर्वधर्म समभावाची हाक देत आघाडी करणारे सरकार मुस्लीम युवकांच्या बेरोजगारी कडे सोयीस्करपणे दुर्लक्ष करीत असल्याची भावना समाजाची होत आहे.हि भावना सरकारला समजावी आणि समाजाला आरक्षण देण्यासाठी सरकार दरबारी कार्यवाही व्हावी यासाठी राज्याचे मुख्यमंत्री ठाकरे यांना एक युवक एक पोस्ट कार्ड मोहीम राबवली जात असल्याचे रियाझ शेख यांनी सांगितले.भिगवण पोस्ट कार्यालयापासून या मोहिमेला सुरवात करण्यात आली.या प्रसंगी रियाज शेख ,आसिफ बागवान ,अस्लम मुलाणी ,फिरोज बागवान ,आमीर शेख ,तौफिक बागवान ,सोहेल शेख ,समीर शेख ,मोहसीन सातारे यांनी निवेदन दिले.
आघाडीच्या सरकारने मुस्लिम समाजासाठी आरक्षण दिले होते आणि त्याच आघाडीतील दोन मित्र पक्ष आताच्या महाविकास आघाडीत असूनही आरक्षण बाबतीत गांभीर्याने विचार होत नसल्यामुळे मुस्लीम समाजावर मोठा अन्याय केला जात असल्याची भावना यावेळी मुस्लीम तरुणांनी बोलून दाखवली.
