इंदापूर तालुक्यात सक्रिय रुग्णांची संख्या ग्रामीण भागात २०८१ तर शहरी भागात २४९
ग्रामीण भागात १६६ तर शहरी भागात ३८ नवीन सक्रिय रुग्ण तहसीलदार अनिल ठोंबरे यांची माहिती…
भिगवण वार्ताहर,दि.५
इंदापूर तालुक्यातील ग्रामीण भागात आजच्या दिवशी १६६ कोरोना रुग्णांची नोंद करण्यात आली. तर शहरी भागात ३८ रुग्णांची नोंद करण्यात आली.कोरोनाचा आलेख खाली येण्यास सुरवात झाली असून या बातमीने प्रशासनाला आणि नागरिकांना काहीसा दिलासादायक स्थिती निर्माण झाली आहे.
महिनाभरा चा काळ उलटून गेल्यानंतर पहिल्यांदाच कोरोणाचा आलेख खाली येत असल्याचे दिसून येत आहे.इंदापूर तालुक्याच्या ग्रामीण भागात काल अखेर १०६५० आणि शहरी भागात १९४५ रुग्णांची नोंद करण्यात आली .आज यामध्ये ग्रामीण भागात १६६ तर शहरी भागात ३८ रुग्णांची वाढ नोंदविण्यात आल्याची माहिती तहसीलदार अनिल ठोंबरे यांनी दिली. तर काल अखेर ग्रामीण भागातील ८५१९ रुग्णांना आणि शहरी भागातील १६५७ रुग्णांना उपचार नंतर घरी सोडण्यात आले.दुर्दैवाने ग्रामीण भागात ५ कोरोना रुग्णांचे मृत्यू होवून ग्रामीण भागातील मृत्यूंची संख्या २१६ वर पोहोचली.
ग्रामीण भागात विविध कोविड सेंटर मध्ये २०८१ अॅकटीव्ह रुग्ण उपचार घेत असून शहरी भागात २४९ उपचार घेत आहेत.कोविड सेंटरमध्ये वैदकीय अधिकारी आणि डॉक्टर तसेच आरोग्य सेवक सेविका त्यांच्यावर उपचार करीत आहेत,
