भिगवण वार्ता ….२५
भिगवण प्राथमिक आरोग्य केंद्रासाठी पुणे जिल्हा परिषदेच्या आरोग्य विभागाकडून रुग्णवाहिका वितरित करण्यात आल्याची माहिती जिल्हा परिषद सदस्य हनुमंत बंडगर यांनी दिली .
भिगवण आणि परिसरात वाढत असलेल्या कोरोनाच्या थैमाना मुळे नागरिकांना अडचणींचा सामना करावा लागत आहे.तसेच अति गंभीर रुग्णाला उपचारासाठी बारामती अथवा पुणे येथे पाठविणे रुग्णवाहिका विना जिकिरीचं होत होत .
तर मागील आठवड्यात रुग्णाला रुग्णवाहिका न मिळाल्याने दोन जणांना आपला जीव गमवावा लागला होता .
याच कारणामुळे भिगवण प्राथमिक आरोग्य केंद्रासाठी अंबुलन्स मिळावी अशी मागणी जिल्हा परिषद सदस्य हनुमंत बंडगर यांनी केली होती .याच मागणीची दखल घेत आज पुणे जिल्हा परिषदेच्या आरोग्य विभागाने आयोजित केलेल्या कार्यक्रमात राज्याचे उपमुख्यमंत्री अजित पवार यांनी पुणे जिल्ह्यासाठी 51 रुग्णवाहिका वितरित केल्या .
यात भिगवण प्राथमिक आरोग्य केंद्रासाठी एक रुग्णवाहिका वितरित करण्यात आली .
रुग्णवाहिका मिळाली असल्यामुळे भिगवण नागरिकांना मोठा दिलासा मिळाला असून हे जिल्हा परिषद सदस्य हनुमंत बंडगर यांचे यश मानले जाते .त्यामुळं भिगवण कर नागरिक बंडगर यांचे आभार व्यक्त करीत आहेत.
