भिगवण वार्ताहर .दि.३
मदनवाडी ता.इंदापूर ग्रामपंचायत उपसरपंच पदी सौ .संगीता सतीश बंडगर यांची बिनविरोध निवड झाल्याची माहिती निवडणूक निर्णय अधिकारी बी.एस.गाताडे यांनी दिली.
भिगवण शहराच्या शेजारी मोठ्या लोकसंखेचे गाव म्हणून मदनवाडी गावाची ओळख आहे.गावच्या उपसरपंच पदाचा कार्यकाळ पूर्ण होताच विद्यमान उपसरपंच रणजीत निकम यांनी राजीनामा दिल्याने रिक्त झालेल्या जागेवर हि निवडणूक घेण्यात आली.सरपंच आम्रपाली प्रकाश बंडगर यांच्या अध्यक्षतेखाली ग्रामपंचायत कार्यालयात बैठक घेण्यात आली.यावेळी निवड प्रकीयेच्या निर्धारित वेळेत सौ .संगीता सतीश बंडगर यांचा एकमेव अर्ज आल्याने त्यांची बिनविरोध निवड करण्यात आल्याची घोषणा करण्यात आली. यावेळी आदर्श सरपंच तुकाराम बंडगर ,मा.पंचायत समिती सदस्या सौ .मेघनाताई बंडगर ,भाजपा गट नेते संपतराव बंडगर ,शिक्षण संस्था अध्यक्ष सतीश शिंगाडे ,विकास सोसायटी चेअरमन विष्णुपंत देवकाते ,प्रसिद्ध उदोज्जक नामदेव पाटील ,बारामती मतदार संघाचे भाजपा अध्यक्ष तेजस देवकाते ,माजी उपसरपंच राजेंद्र देवकाते गणपत ढवळे ,गुणवंत बंडगर तसेच सर्व सदस्य उपस्थित होते.
चौकट : मदनवाडी गावात १३ सदस्यांची बॉडी आहे .मात्र जनतेतून सरपंच निवड झाल्यामुळे हि संख्या १४ वर गेली.४ वर्षापूर्वी झालेल्या निवडणुकीत आतापर्यंत ७ जणांना उपसरपंच पदाची खुर्ची देण्यात आली असून राहिलेल्या काळात ६ जणांना पद देण्याचा मानस यातून दिसून येतो.भाजप आणि राष्ट्रवादी दोन्ही गटाची येथे सत्ता असली तरी पदवाटपाच्या बाबतीत मात्र एकजूट पाहायला मिळते. या गावाचा आदर्श ग्रामीण भागातील ग्रामपंचायत पदाधिकारी यांनी घेतल्यास राजकारण कुरघोडी ला लगाम घालणे शक्य होऊ शकते .
