सत्यवार्ता अकोले पत्रकार विजय गायकवाड-
इंदापूर तालुक्यात ८ पैकी ७ ग्रामपंचायतीच्या पोटनिवडणूकीच्या जागा बिनविरोध होऊन केवळ एकमेव निवडणूक लागलेल्या अकोले ग्रामपंचायतीच्या निवडणुकीसाठी आज ८७ टक्के मतदान झाले.पोटनिवडणूकीच्या झालेल्या मतदानातून उद्या उमेदवारांचे निकालातून भवितव्य ठरणार आहे.
अत्यंत चुरशीच्या झालेल्या या निवडणुकीत स्थानिक पातळीवर गटातटाच्या राजकारणातुन एकमेकांची प्रतिष्ठा पणाला लागली आहे.निवडणूक जाहीर झाल्यापासून उमेदवार बिनविरोध करण्यासाठी स्थानिक पातळीवरील एकमेकांसोबत कार्यकर्त्यांनी अर्ज माघार घेण्याच्या दिवसापर्यंत चर्चेच्या फेऱ्या अखेर पर्यंत सुरू ठेवल्या.मात्र एका जागेसाठी नऊ उमेदवारांनी अर्ज दाखल करून गावच्या राजकारणात एक नवी नोंद करून ठेवली.पण अर्ज माघार घेण्याच्या दिवशी सात उमेदवारांनी माघार घेत दोन उमेदवारांत निवडणूक लागली.
अनेक वेळा झडलेल्या चर्चेच्या फैरीतुन कोणीच माघार घेत नसल्याने इंदापूर तालुक्यात आठ पैकी सात ग्रामपंचायतीच्या पोटनिवडणूकीच्या जागा बिनविरोध होऊन केवळ अकोले येथील प्रभाग दोनच्या जागेसाठी निवडणूक लागली.यासाठी स्थनिक राजकारणाच्या गटातटाच्या राजकारणातून वर्चस्वासाठी दोन्ही उमेदवारांनी प्रतिष्ठा पणाला लावून आज अखेर मतदान घडवून आणले.
उद्या होणाऱ्या निकालातून दोन्ही उमेदवाराचे भवितव्य काय असेल यासाठी लोकांमधून अंदाज बांधणीला सुरुवात झाली आहे.
