सत्यवार्ता अकोले प्रतिनिधी :विजय गायकवाड
अकोले ग्रामपंचायतीच्या एका जागेसाठी पोटनिवडणूक होत असून आज अखेर पर्यंत पाच उमेदवारांनी आपला उमेदवारी अर्ज दाखल केला आहे.
गावातील प्रभाग दोन मधील एका रिक्त जागेसाठी निवडणूक होत असून आतापर्यंत पाच जणांनी शक्ती प्रदर्शन करीत इंदापूर येथे आपला उमेदवारी अर्ज निवडणूक अधिकारी दीपक कोकरे व सहाय्यक निवडणूक अधिकरी शिवाजी खोसे यांच्याकडे दाखल केला आहे.
निवडणूक कार्यक्रमानुसार अर्ज दाखल करण्यासाठी दि.६ डिसेंबर पर्यंत तर छाननी दि.७ डिसें.अर्ज माघार घेण्यासाठी व चिन्ह वाटप दि. ९ डिसें.पर्यंत तर मतदान २१ डिसें व मतमोजणी दि.२२ डिसेंबर रोजी होणार आहे.
मात्र अजून उमेदवारी अर्ज दाखल करण्याची तीन दिवस मुदत असून अर्जाची संख्या वाढण्याची शक्यता आहे. तसेच अर्ज माघारी घेण्यासाठी कोणाचा दबाव येऊन माघार घ्यावी लागेल हे उमेदवारांना शेवटी ठरवावे लागणार आहे.सर्वाधिक इच्छुक उमेदवारांनी आज अर्ज दाखल केल्याने अखेर पर्यंत किती उमेदवार रिंगणात राहतात याकडे सगळ्यांचे लक्ष लागले आहे.
१)तात्याबा विठ्ठल दराडे
२)खंडू गुलाब शिंदे
३)नंदाबाई ज्ञानदेव दराडे
४)दत्तात्रय विष्णू दराडे
५)गणेश वामन दराडे
यांनी आज पर्यंत उमेदवारी अर्ज दाखल केले आहेत .
