भिगवण वार्ताहर.दि.२
राष्ट्रवादी काँग्रेसचे महाराष्ट्र सरचिटणीस अॅड. महेश मारुतराव देवकातेपाटील यांच्या मातोश्री कै.सौ सुप्रिया मारुतराव देवकाते यांचे वयाच्या ६५ वर्षी दीर्घ आजाराने निधन झाले.अतिशय प्रेमळ स्वभावाच्या सुप्रिया काकुच्या निधनामुळे भिगवण आणि परिसरातील नागरिकांनी हळहळ व्यक्त केली.
बारामती आणि इंदापूर तालुक्यातील प्रसिद्ध व्यक्तिमत्व आणि आपल्या बाणेदारवाणीने गोरगरीब आणि सर्वसामान्य जनतेला कायद्याच्या प्रकरणी मदत करणारे सिंघम वकील अशी महेश देवकाते यांची ओळख आहे.त्यांच्या मातोश्री कै.सुप्रिया काकू यांनी आपला संसार करीत असताना पती मारुतराव देवकाते यांच्या खांद्याला खांदा लावीत संसाराचा गाडा चालविला.प्रसंगी टेलरिंग दुकानातील कामात हातभार लावीत आपली दोन मुली आणि एक मुलगा यांना उच्च पद्धतीचे शिक्षण देवून त्यांना समाजापुढे उभे केले.मुलगा नामांकित वकील एक मुलगी वकील आणि नोटरी तर एक मुलीला अभियंता करण्याचे भीमकाय काम काकुनी पतीसह करून दाखविले.मागील काही वर्षापासून त्या शारीरिक व्याधींनी ग्रासल्या गेल्या होत्या.त्यांना सुरवातीच्या काळात मधुमेहाचा सामना करावा लागला तर त्यानंतर त्यांना अनेक वेळा डायलीसीस करावे लागत होते.राजकीय कारकीर्द न्यायालयातील कामकाज सिनेसुष्टीतील शुटींग या काहीवेळा बाजूला ठेवून अॅड. महेशदादा आपल्या आईची सेवा करण्यासाठी श्रावणबाळासारखे सदैव तत्पर असत. कणखर वाणी असणाऱ्या महेशदादांचे आपल्या मातोश्रीवर अतोनात प्रेम होते.त्यांच्या जाण्यामुळे देवकाते परिवार आणि महेशदादा मित्र परिवारावर दुखाचे सावट पसरले असल्याचे दिसून आले.
