भिगवण वार्ताहर.दि.२७
भिगवण व्यापारी पेठेतील तरुण व्यावसायिकाने रेल्वेखाली उडी घेत जीव दिल्याची धक्कादायक घटना शनिवारी सकाळी घडली.घरगुती वाद कि पैशाचे तणाव याचे कारण समजू शकले नाही मात्र या घटनेमुळे व्यापारी वर्गात दुखाचे सावट पसरले असल्याचे दिसून आले.
याबाबत मिळालेल्या माहिती नुसार सुनील पांडुरंग कुचेकर वय २२ असे तरुण व्यावसायिकाचे नाव आहे.सुनील हा भिगवण येथील मुख्य बाजारात पानाचे दुकान चालवून आपला उदरनिर्वाह चालवत होता.सुनीलच्या घरी त्याची पत्नी ,आई ,लहान भाऊ असा परिवार आहे.सुनीलच्या वडिलांचे २००४ साली किडनीच्या आजाराने निधन झाले होते.त्यांच्या आजारपणात भिगवण व्यापारी मित्रांनी वर्गणी करून त्यांचा जीव वाचविण्याचा आटोकाट प्रयत्न केला होता.मात्र यातून त्यांना वाचविण्यात यश आले नव्हते.त्यांच्या पश्च्यात सुनील हा त्यांचा व्यवसाय पुढे चालवून आपल्या कुटुंबाचा उदरनिर्वाह चालवीत होता.सुनीलचे मागील काही महिन्यापूर्वी लग्न झाले होते.मात्र त्याच्या रेल्वे खाली उडी मारत आत्महत्या करण्यामुळे कुटुंबावर दुखाचा डोंगर पसरला असल्याचे दिसून आले.
सुनीलच्या आत्महत्या करण्यामागील कारण अजून समोर आले नसले तरी घरगुती वाद किंवा पैशाचे देणे याच्या तणावातून सदर घटना घडली असल्याची शक्यता वर्तविण्यात येत आहे.
