भिगवण वार्ताहर.दि.१८
भिगवण पोलिसांनी नाकाबंदी कारवाई दरम्यान ३५ किलो गांजा सह एका दुचाकीस्वार आरोपीच्या मुसक्या आवळल्या.या दमदार कारवाईत ६ लाख १६ हजार २८० रुपयाचा मुद्देमाल जप्त करण्यात आला.
भिगवण पोलीस ठाण्याचे प्रभारी अधिकारी दिलीप पवार यांनी प्रेसनोट मध्ये देण्यात आलेल्या माहिती नुसार भिगवण पोलिसांनी डिकसळ गावच्या हद्दीत हि कारवाई करण्यात आली.राशीन बारामती राज्य मार्गावर नाकाबंधी सुरु असताना दुचाकीवरून एक इसम गांजा घेवून जाणार असल्याची गोपनीय बातमी पोलिसांना मिळाली होती.याच माहितीच्या आधारे पोलिसांनी सापळा रचून कारवाई करत दुचाकी वरून पोत्याच्या आत गांजा घेवून जाणाऱ्या आरोपीच्या मुसक्या आवळल्या.सुनील अनिल जाधव रा.सासवड उदाचीवाडी ता.पुरंदर असे ताब्यात घेण्यात आलेल्या तरुणाचे नाव असून त्याच्या ताब्यात असणारे ३८.०८ किलोग्राम गांजा आणि दुचाकी असा जवळपास ६१६२८० किमतीचा मुद्देमाल जप्त करण्यात आला.
सदरची कारवाई पोलीस अधीक्षक डॉ.अभिनव देशमुख ,अप्पर पोलीस अधीक्षक मिलिंद मोहिते ,विभागीय पोलीस अधिकारी गणेश इंगळे ,यांचे मार्गदर्शनाखाली पोलीस अधिकारी दिलीप पवार ,पोलीस उपनिरीक्षक विनायक दडसपाटील ,पोलीस अमलदार दत्तू जाधव ,रामदास जाधव ,अंतूल पठान ,सचिन पवार ,महेश उगले ,केशव चौधर अंकुश माने ,होमगार्ड नितीन धुमाळ ,पोलीस मित्र विशाल गुरगुळे यांच्या पथकाने केली.
