भिगवण वार्ताहर . दि .१३
इंदापुर तालुक्यातील भिगवण-शेटफळगढे जिल्हा परिषद गटांचे माजी जिल्हा परिषद सदस्य विलास श्रीरंग बंडगर(५४) यांचे अल्पशा आजाराने निधन झाले. सामाजिक कार्यात अग्रेसर असणारे व तरुणांमध्ये अतिशय लोकप्रिय असलेल्या विलास बंडगर यांच्या निधनाची बातमी समजताच मदनवाडी व परिसरांवर शोककळा पसरली.
माजी जिल्हा परिषद सदस्य विलास बंडगर यांचा १२ वर्षापुर्वी पुणे सोलापूर महामार्गावर कुरकुंभ गावच्या हद्दीत अपघात झाला होता. अपघातांमध्ये त्यांच्या मणक्याला मार लागुन ते गंभीर जखमी झाले होते. दिलदार व्यक्तिमत्त्व असणाऱ्या बंडगर यांना शुक्रवारी ता १२ पहाटे पाचच्या सुमारास त्यांचे अल्पशा आजाराने निधन झाले.
विलास बंडगर यांनी मदनवाडी ग्रामपंचायतीचे सदस्य म्हणुन राजकिय कारकीर्द सुरु केली होती. त्यानंतर २००७ ते २०१२ या कालावधीमध्ये ते जिल्हा परिषद सदस्य म्हणुन कार्यरत होते.
धाडसी व धडाडीचे निर्णय घेणारा राजकारणी अशी त्यांची ख्याती होती. तरुणांमध्ये ते अतिशय़ लोकप्रिय होते. त्यांच्यामागे पत्नी, एक मुलगा व एक मुलगी असा परिवार आहे. इंदापुर पंचायत समितीच्या माजी उपसभापती छाया विलास बंडगर या त्यांच्या पत्नी होत.
