भिगवण वार्ताहर .दि .८
भिगवण येथील रोटरी क्लबने जामा मज्जिद येथे मुस्लिम बांधवांसाठी दिवाळी फराळाचे आयोजन केले होते. यामध्ये हिंदू-मुस्लीम भाई -भाई हा ऐक्याचा संदेश या निमित्ताने देण्यात आला. यावेळी मुस्लिम बांधवांनी दिवाळी फराळाचा आस्वाद घेतला.
रमजान च्या पवित्र महिन्यात ईदच्या दिवशी मुस्लिम बांधव आपल्या हिंदू बांधवांना शीरखुर्मा खाण्यासाठी बोलवत असतात.यातून बंधुभावाचा संदेश देण्यात येत असतो. त्याचप्रमाणे दिवाळी हा सण आपणही मुस्लिम बांधवांच्या बरोबर साजरा करावा अशी संकल्पना रोटरी क्लबच्या सदस्यांनी मांडली होती .त्यासाठी अध्यक्ष संजय खाडे यांनी परवानगी देऊन प्रत्यक्षात कार्यक्रमाचे नियोजन केले.
या दिवाळी फराळाच्या कार्यक्रमावेळी रोटरीचे संस्थापक अध्यक्ष सचिन बोगावत, महेश शेंडगे, संपत बंडगर, तुषार क्षीरसागर, संजय रायसोनी रियाज शेख, तय्यब शेख यांनी आपले मनोगत व्यक्त करून बंधू भावाचे नाते वाढीस लागाव्यात यासाठी अशा उपक्रमाची गरज असल्याचे मत व्यक्त केले.
या कार्यक्रमाला उपाध्यक्ष औदुंबर हुलगे, योगेश चव्हाण, अल्ताफ शेख, खजिनदार प्रदीप ताटे, प्रदीप वाकसे, सलीम सयय्द हिराभाई बागवान सलीम सातारे यांचे सहकार्य लाभले. यावेळी सचिव प्रविण वाघ, अफजल सय्यद, संतोष सवाने, सुजय गांधी, कुलदीपक थोरात, मोहसीन सातारे, अकबर तांबोळी व मुस्लिम समाज बांधव उपस्थित होते.
यावेळी मुस्लिम बांधवांनी रोटरी क्लब च्या माध्यमातून राबविण्यात आलेल्या स्तुत्य उपक्रमाचे स्वागत करून सर्व हिंदू बांधवांना दिवाळी सणाच्या शुभेच्छा दिल्या .
