महामार्गावर थांबणाऱ्या वाहनांमुळे जात आहेत जीव.हायवे प्रशासन टोल वसूल करण्यात दंग .महामार्ग पोलिसांचे अवैध रित्या पार्किंग केलेल्या वाहनाकडे दुर्लक्ष…
भिगवण वार्ताहर.दि.२४
कोरोनाचा आलेख खाली आल्याने निर्बंध शिथिल होताच पुणे सोलापूर महामार्गावर अपघातांचा आलेख उंचावत असून भिगवण पोलीस ठाण्याच्या हद्दीत एकाच दिवसात अपघात घडले.यात दोन जणांना प्राणाला मुकावे लागले तर ११ जणांना गंभीर दुखापत झाल्याची माहिती पोलीस सूत्रांनी दिली.
पोलीस सूत्रांनी दिलेल्या माहिती नुसार पुणे सोलापूर महामार्गावर हे तीन हि अपघात घडले असून यातील पहिल्या अपघातात दोन दुचाकी सामोरा समोर अपघात होवून यात प्रवीण बापू खोत वय.२९ रा.पळसदेव यांचा मृत्यू झाला.तर दुसरा अपघात डाळज गावच्या हद्दीत घडला असून यात पिकअप गाडीने बलकर गाडीला पाठीमागून ठोस दिल्याने झालेल्या अपघातात पिकअप चालक बालाजी जलचंद्र माने माने वय.४५ रा.आंबेजवळगे ,विजय बिभीषण शिंदे जखमी झाले.तर पोंधवडी गावाच्या हद्दीत घडलेल्या तिसऱ्या अपघातात कार ट्रक ला पाठीमागून धडकल्याने घडलेल्या अपघातात दत्ता पांडुरंग घोडके वय ३० रा.मेदनकरवाडी चाकण यांचा जागीच मृत्यू झाला तर आनंद घोडके वय २६ निशा घोडके वय.२४ छाया घोडके वय.५० अश्विन घोडके वय .२२ सुदर्शन घोडके वय .२४ ऋणधावणी कामत वय ५० ,आकांशा इटके वय .३० रा.सर्वजण चाकण जखमी झाले. दुसऱ्या आणि तिसऱ्या अपघातात पाठीमागून ठोस देणाऱ्या चालका विरोधात रहदारीचे नियम मोडून अविचाराने वाहन चालवीत अपघात घडविला म्हणून गुन्ह्याची नोंद करण्यात आली आहे.
चौकट…….पुणे सोलापूर महामार्गावर अवैधरीत्या पार्किंग मुळे अपघातांची संख्या वाढत असताना हायवे प्रशासन मात्र टोल वसूल करण्यात दंग असून यात निष्पाप नागरिकांचे जीव जात असल्याचे दिसून येत आहे.तर वाहन धारकांच्या सुरक्षेसाठी असणारे पेट्रोलिंग युनिट आणि महामार्ग पोलीस अवैधरीत्या पार्किग केलेल्या वाहनावर कोणतीही कारवाई करत नसल्याचे दिसून येत आहे.त्यामुळे अशा प्रकारे अपघात घडल्यास सबंधित यंत्रणेला जबाबदार धरून कारवाई झाल्यास निष्पाप नागरिकांचे जीव नक्कीच वाचू शकतील .
