डिकसळ रिपोर्टर . दि.१६
डिकसळ ता.इंदापुर येथे पुणे जिल्हा परिषद यांचेकडुन मा.बांधकाम व आरोग्य सभापती प्रविण भैय्या माने यांच्या विशेष प्रयत्नातुन प्रभाग क्र. 1 मध्ये मुलांना व्यायाम करता यावा या उद्देशाने ५ लाखाचा निधी मंजुर करण्यात आला होता. सदर व्यायाम शाळेसाठी ग्रामपंचायतीकडुन जागा निश्चित करून भुमीपुजनाचा कार्यक्रम संपन्न झाला होता. परंतु आजपर्यंत बांधकाम चालु झाले नाही. याबाबत सामाजिक कार्यकर्ते विकास नारायण काळे यांनी वारंवार ग्रामपंचायला विचारणा केली आसता सदर जागेवर काही लोकांनी अतिक्रमण केले असुन ते काढले की काम चालु करू असे सांगितले जात होते.परंतु आजपर्यंत अतिक्रमण काढले नाही.
संबंधित काम सुरू करण्यास विलंब झाल्यास आलेला निधी परत जाऊ शकतो. म्हणून येथील कायमस्वरूपी रहिवासी व सामाजिक कार्यकर्ते विकास काळे यांनी आठ दिवसांत अतिक्रमण काढुन बांधकाम सुरू न केल्यास योग्य त्या कार्यलयांशी योग्य ती परवानगी घेऊन ग्रामपंचायत कार्यलयासमोर आमरण उपोषणाला बसण्याचा इशारा लेखी पत्रानुसार ग्रामपंचायतला दिला असुन यांची संपूर्ण जबाबदारी ग्रामपंचायतची असेल असे सदर लेखी पत्रात विकास काळे यांनी म्हटले आहे.
याबाबत ग्रामसेवक डी.बी.परदेशी यांच्याशी संपर्क साधला आसता अतिक्रमण केलेल्या लोकांना ग्रामपंचायत यांनी नोटीसा दिल्या असुन ग्रामपंचायत सदस्य यांची ताबडतोब मिंटीग घेऊन योग्य निर्णय घेतला जाईल असे सांगितले
