भिगवण प्रतिनिधी …. दि.१६
भिगवणमध्ये तळीरामांचा उच्छाद ; देव दर्शन आधी तळीरामांचे दर्शन असे म्हणण्याची वेळ भिगवण कर ग्रामस्थांवर आली आहे.
भिगवण मधील प्रभाग क्रं.२ मध्ये भिगवणकरांचे ग्रामदैवत असलेले भैरवनाथ मंदिर व हनुमान मंदिर आहेत. याठिकाणी भिगवण मधील रहिवाशी सकाळी व संध्याकाळी दर्शनासाठी नित्य नियमाने येत असतात. परंतु या ठिकाणी गेल्या काही दिवसापासून तळीरामांनी उच्छाद मांडलेला दिसून येत आहे. त्यामुळे देवदर्शन आधी तळीरामांचे दर्शन होत असल्याने ग्रामस्थ त्रस्त झाले आहेत. त्यामुळे भिगवण पोलिसांनी या तळीरामांचा बंदोबस्त करण्याची मागणी ग्रामस्थांकडून होत आहे.
भिगवण मधील प्रभाग क्रं २ मध्ये श्री भैरवनाथ मंदिर, हनुमान मंदिर व त्या लगतच शाळा व महाविद्यालय आहेत. याठिकाणी देवदर्शनासाठी अनेक भिगवण मधील ग्रामस्थ येत असतात. तसेच, शाळा व महाविद्यालयांमध्ये शिक्षण घेणाऱ्या विद्यार्थ्यांची संख्या देखील फार मोठी आहे. याठिकाणी नेहमीच तळीरामांचा वावर मोठ्या प्रमाणात असतो.
परंतु गेल्या काही दिवसापसून सकाळपासूनच हे तळीराम गर्दी करून या ठिकाणी अश्लील प्रकारची शिवीगाळ करत आहेत. त्यामुळे याठिकाणी देवदर्शनासाठी येणाऱ्या ग्रामस्थांना व शिक्षण घेणाऱ्या विद्यार्थ्यांना याचा त्रास होत आहे.
त्यामुळे पोलिसांनी या उच्छाद मांडलेल्या तळीरामांवर कारवाई करण्याची मागणी ग्रामस्थांकडून व्यक्त होत आहे.
